Ташхиси маводи доруворӣ дар Кӯлоб
Кӯлоб, 06.01.2015. (АМИТ «Ховар», Сулаймони Хол).-Дар шаҳру ноҳияҳои минтақаи Кӯлоби вилояти Хатлон дар айни ҳол 231 дорухона ва се корхона оид ба коркард ва истеҳсоли маводи доруворӣ фаъолият дорад. Ҷиҳати пешгирии фурӯшу истифодаи маводи дорувории пастсифат ва муҳлати истифодааш гузашта мутахассисони Хадамоти назорати давлатии фаъолияти фармасевтӣ дар минтақаи Кӯлоб соли 2014 дар дорухонаҳои мазкур ва муассисаҳои табобативу профилактикӣ санҷишҳо доир намуда, тибқи санад аз дорухонаҳо дар маҷмӯъ 919 номгӯй маводи дорувориро ба миқдори 66 ҳазору 180 адад, ки маблағи он 91 ҳазору 338 сомониро ташкил медиҳад, аз фурӯш боздошта, сӯзониданд.
Аз тарафи мутахассисони соҳа дар ин давра барои ислоҳи камбудии ҷойдошта ба мудирони 9 дорухона, 21 муассисаи табобатӣ ва 33 дӯкони фурӯши маводи ороишӣ, ҷамъ 63 адад амрнома пешниҳод шуд.
Дар соли 2014 аз 231 дорухона 102-тоаш бо компютер ҷиҳозонида шуда, дар 64-тои он суроғаи электронӣ кушода шуд. Дар самти ташхиси сифати маводи доруворӣ бо дастгирии Ҳукумати Ҷумҳурии Тоҷикистон ва Раёсати Хадамоти назорати давлатии фаъолияти фармасевтӣ озмоишгоҳи намояндагии хадамот ба маблағи 50 ҳазор сомонӣ бо дастгоҳу тачҳизоти муосири соҳавӣ таъмин шуд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
