Турсунзода: вусъати корҳои созандагӣ

Турсунзода, 13.01.2015. (АМИТ «Ховар», Ҳотами Шариф).- Соли сипаригардида барои сокинони шаҳри Турсунзода бобарор буд. Нақшаи истеҳсоли пилла, пахта ва дигар маҳсулоти хоҷагии қишлоқ пурра ва барзиёд иҷро гардид,- гуфт раиси шаҳри Турсунзода Бобоалӣ Табарзода зимни нишасти матбуотӣ.
Терминали мусофирбарии «Ваҳдат-2012» ва маҷмааи хизматрасонии маишии замонавии «Баҳром» бо таъсиси 200 ҷои нави корӣ бунёд ёфт.
Дар маркази шаҳр 10 сехи дӯзандагию 1 сехи қолинбофии дастӣ ва дар ҷамоатҳои деҳот 9 сехи ҳунарҳои халқӣ ва марказҳои таълимию хизматрасонии маишӣ бо таъмини 150 ҷои нави корӣ ба фаъолият оғоз кард.
Аз ҳисоби соҳибкорон 400 дона компютер ба муассисаҳои таълимӣ тақсим шуд ва барномаи давлатии компютеркунонии муассисаҳои таълимӣ иҷро гардид. Алҳол дар 30 иншооти хурду бузург корҳои сохтмонӣ бо муваффақият идома доранд.