8 кг героини корманди ҳифзи ҳуқуқ

  Душанбе, 16.02.2015. (АМИТ «Ховар», Мавҷуда Анварӣ).- Дар ҳудуди шаҳри Исфара аз тарафи кормандони Раёсати Агентии назорати маводи нашъаовар дар вилояти Суғд як нафар сокини 36-солаи шаҳри Б. Ғафуров, муваққатан бекор, дастгир гардид. 
Тибқи итиллои АНМН, кормандони ин ниҳод аз дохили сумкаи варзишии дастгиршуда 8 адад бастаи скотчпечи героин, ки вазнаш 8 килограммро ташкил менамояд,  ошкор намуданд.   
Тафтишоти пешакӣ нишон дод, ки маводи мусодирашуда ба шиноси дастгиршуда бо номи Фурқат тааллуқ дорад. Пас аз андешидани чораҳои фаврӣ корманди ҳифзи ҳуқуқи вилоят бо рутбаи майор дастгир гардид.      
          Бояд таъкид кард, ки аз аввали сол ин дуюмин ҳодисаи аз тарафи кормандони агентӣ дастгир шудани кормандони ҳифзи ҳуқуқи ҷумҳурӣ барои даст доштан дар муомилоти ғайриқонунии маводи нашъаовар мебошад.