Иҷозати вуруди дубора ба 217 нафар шаҳрванди Тоҷикистон

Душанбе, 12.02.2015 (АМИТ «Ховар», Лайло Тоирӣ).-Мутобиқи Протоколи ҷаласаи 9-уми Гурӯҳи кории Тоҷикистону Русия оид ба татбиқи Созишномаи байниҳукуматӣ дар самти муҳоҷирати меҳнатӣ аз 6 августи соли 2014, гурӯҳи коршиносони дуҷонибаи Тоҷикистону Русия таъсис дода шудааст, ки мутобиқи муқаррарот масъалаи додани иҷозати воридшавиро ба 5 категорияи шаҳрвандони Ҷумҳурии Тоҷикистон, ки воридшавии онҳо ба қаламрави Федератсияи Русия манъ гардидааст, баррасӣ менамояд.
Бино ба иттилои Вазорати меҳнат, муҳоҷират ва шуғли аҳолӣ,  то ин муддат дар заминаи ҳамкории гурӯҳҳои коршиносони тарафҳо масъалаи иҷозати воридшавии дубораи 140 донишҷӯ ва 77 нафар дигар табақаи шаҳрвандони ҷумҳурӣ ба Федератсияи Русия мусбат ҳал гардид.