Имконоти ҳамкории байни Тоҷикистону Қирғизистон

Душанбе, 17.02.2015. (АМИТ «Ховар», Кристина  Эрлих).-  16  феврал  раиси  Палатаи  савдо в а  саноати  Тоҷикистон  Шариф  Саид  сафири  Қирғизистон  дар  Тоҷикистон  Мирослав  Ниёзовро ба  ҳузур  пазируфт.
Назар ба  иттилои  ПСС ҶТ, ҷонибҳо  масоили ҳамкории  дуҷониба дар  бахшҳои энергетика,  саноат,  обёрӣ,  нақлиёт,  савдо,  тиҷорат,  ҳамкории байни палатаҳо ва  ғайраро   мавриди  муҳокима  қарор  доданд.
Дар  мулоқот   раиси  ПСС ҶТ аз  ҳамкории зич  бо Палатаи  савдо  ва  саноати  Қирғизистон  сухан  карда, изҳор  дошт, ки  гуфтушунид  дар  мавзӯи  барқарор намудани  равобити   тиҷоратии  байни  ниҳодҳои  хоҷагидорӣ ва   соҳибкорони  ҳар  ду  кишвар  идома дорад. 
Зикр  шуд, ки барои ҳамкорӣ  дар соҳаҳои  саноати  сабук,  истеҳсолот,  содироти  маҳсулоти  кишоварзӣ,  истихроҷи  маъдан,  густариши  кооператсияи  истеҳсолӣ  дар  сатҳи минтақаҳои  ҳар  ду  кишвар,  доду гирифти  молҳои  истеъмолии халқ ва  ғайра  имкониятҳои  зиёде  мавҷуданд.