Интихобот муборак, ҳамватанони азиз!
Душанбе, 24.02.2015. (АМИТ «Ховар»).-Имрӯз тамоми мардуми ватандӯсти Тоҷикистон дар арафаи маъракаи сиёсӣ-интихоботи Маҷлиси намояндагони Маҷлиси Олии Ҷумҳурии Тоҷикистон қарор доранд, аз ин рӯ тамоми мардуми сулҳпарвари Тоҷикистони азизамонро ба ин муносибат табрику таҳният мегӯем. Мардуми сарбаланди Тоҷикистон имрӯз дар тамоми гӯшаву канори дунё фаъолият доранд. Албатта, кӯшишу ғайрати Ҳукумати Тоҷикистон аст, ки ҷавонони мо имрӯз дар тамоми мактабҳои олии давлатҳои гуногун таҳсил доранд. Ва мо аз мардуми шарифи Тоҷикистон, аз тамоми ҷавонони тоҷики берун аз марз умед дорем, ки дар ин маъракаи сиёсӣ саҳми худро мегузоранд.
Мо ҳама медонем, ки имрӯз тараққиёти технологӣ хеле хам пеш рафтааст ва душманони Ватан метавонанд ба воситаи интернет ҳар гуна хабарҳои дурӯғу бӯҳтономезро пахш намоянд. Агар мо Ватани худро дӯст дорем, набояд ба чунин иғво ва амалҳо роҳ диҳем, чунки фарзандони диёр бояд ҳисси баланди миллӣ дошта бошанд ва Ватани азизамонро аз ифротгарони берунӣ ва дохилӣ ҳифз намоянд.
ВАТАНИ АЗИЗИ мо пас аз талошҳои зиёд истиқлолиятро ба даст овард ва ҳоло ин ном дар тамоми мамлакатҳои ҷаҳон садо медиҳад. Халқи тоҷик аз шумори он миллатҳоест, ки марзу буми худро хеле дӯст медорад ва барои ҳастии он ҷоннисорӣ мекунад. Шоири зиндаёди тоҷик Лоиқ Шералӣ ибтидои Ватанро аз гаҳвора ва шири поки модар донистааст:
Ватан cap мешавад аз гоҳвора,
Зи шири поку аз пистони модар,
Ватан cap мешавад аз он тавора,
Ки онро сохта дастони модар.
Ватан беҳбудию беҳрӯзии мост,
Ватан хушномию фирӯзии мост.
Мо аз тамоми ҳамватанони азизамон умед дорем, ки ин маъракаи сиёсиро бо як ҳиссиёти ватандӯстона пешвоз хоҳанд гирифт. Вазифаи ҳар як инсон- ин муқаддас нигоҳ доштани арзишҳои миллӣ мебошад. Мо бояд фаромӯш насозем, ки Ҷумҳурии Тоҷикистон яке аз давлатҳои соҳибихтиёр, демократӣ, хуқуқбунёд, дунявӣ ва ягона ба ҳисоб меравад.
Пас, биёед Ватанамонро дӯст бидорем ва саҳми худро дар рушди он бигузорем.
Интихоби мо бояд оқилона бошад ва аз ҳамватанони худ умед дорем, ки ин маъракаи сиёсиро ба хубӣ ба анҷом расонанд.
Муовини раиси ҷамъияти
бурунмарзии тоҷикон «Сомон» дар шаҳри Екатеринбурги ФР
Зубайд Ёрибеков
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
