КДАМ ҶТ: задухӯрди мусаллаҳона дар сарҳад
Душанбе, 27.02.2015. (АМИТ «Ховар», Муқаддас Темурзода).-Шаби 21 ба 22 феврали соли ҷорӣ аз ҷониби сарҳадбонони тоҷик ҳодисаи ғайриқонунии вайрон намудани хати сарҳад ба қайд гирифта шуд. Маркази матбуоти Сарраёсати қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад, ки дар яке аз дидбонгоҳҳои зери тобеияти отряди сарҳадии «Ишкошим» дар қитъаи сарҳади Тоҷикистону Афғонистон сарҳадбонони тоҷик бо як гурӯҳи номаълуми қочоқбарони афғон, ки сарҳади давлатии Тоҷикистонро мехостанд ғайриқонунӣ убур намоянд, рӯ ба рӯ шуда, байни сарҳадбонони тоҷик ва вайронкунандагони хати сарҳад задухӯрди мусаллаҳона ба вуқӯъ пайваст, дар натиҷаи ин задухӯрд қочоқбарони афғон ба амалҳои сарҳадбонони тоҷик тоб наоварда, аз торикии шаб истифода бурда, ба тарафи Афғонистон баргаштанд.
Зимни азназаргузаронии ҷои ҳодиса 1 адад силоҳи АКМ-7.62 бо тирдон, 4 кг маводи мухаддири ҳашиш ва 1 адад камераи резинӣ дарёфт гардида, аз рӯи ҳодиса тафтиш идома дорад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
