Мафкураи зидддикоррупсиониро баланд бардорем
Душанбе, 14.02.2015. (АМИТ «Ховар», Мавҷуда Анварӣ).- Дар соли 2014 аз ҷониби кормандони масъул ва роҳбарони корхонаву ташкилот ва муассисаҳои тобеи Мақомоти иҷроияи маҳаллии ҳокимияти давлатии ноҳияи И. Сомонии шаҳри Душанбе 8 ҷинояти коррупсионӣ содир шудааст.
Ин масъала дар вохӯрии намояндагони Агентии назорати давлатии молиявӣ ва мубориза бо коррупсия, ки 11 феврал дар мақомоти иҷроияи ҳокимияти давлатии ноҳияи И. Сомонӣ баргузор гардид, мавриди баррасӣ қарор гирифт.
Таҳлилҳо нишон доданд, ки кормандони масъул ва роҳбарони корхонаву ташкилот ва муассисаҳои тобеи Мақомоти иҷроияи маҳаллии ҳокимияти давлатии ноҳияи И. Сомонӣ худ даст ба содир намудани ҷиноятҳои коррупсионӣ задаанд. Дар вохӯрӣ таъкид шуд, ки сабаби асосии содир гардидани ҷиноятҳои коррупсионӣ пеш аз ҳама дар сатҳи паст қарор доштани савияи дониши ҳуқуқии кормандон ва надонистани қонунгузории зиддикоррупсионӣ мебошад.
Омили дигари ба содиркунии ҷиноятҳои коррупсионӣ мусоидаткунанда- ин дар сатҳи кофӣ ба роҳ намондани назорати дохилиидоравӣ аз болои зердастон мебошад.
Роҳбарияти Мақомоти иҷроияи ҳокимияти давлатии ноҳияи И.Сомонии шаҳри Душанбе вохӯрии мазкурро саривақтӣ ва зарур шуморида, зикр кард, ки дар оянда ҳамкориҳои судманд дар самти пешгирии коррупсия ба роҳ монда шуда, баҳри баланд бардоштани мафкураи зидддикоррупсионӣ тадбирҳои мушаххас андешида мешаванд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
