Маркази нави хидматрасонии бонкӣ дар ноҳияи Рӯдакӣ

Душанбе, 18.02.2015. (АМИТ «Ховар»,  Кристина  Эрлих).- Бо дастури  раиси  раёсати  «Амонатбонк»  Ҷамшед  Нурмаҳмадзода корҳои  зарурӣ барои  афзоиш  ёфтани   намояндагиҳои  бонки  мазкур   дар   шаҳру  ноҳияҳо  ва  деҳоти Ҷумҳурии  Тоҷикистон анҷом дода  мешаванд.
Тавре  ки  аз хадамоти  матбуоти Бонки давлатии  амонатгузории  «Амонатбонк» ба  АМИТ «Ховар»  хабар доданд, дар  ноҳияи  Рӯдакӣ маркази нави  хидматрасонии  бонкӣ  ифтитоҳ  гардида,  кормандони  масъули бонк ба  манзури  баланд бардоштани  сатҳи воқифияти  аҳолӣ  аз  хидматрасонии бонкӣ  бо сокинони  ноҳия вохӯрданд. 
Дар  ҳоли  ҳозир  «Амонатбонк»  дар  ноҳияи  Рӯдакӣ намояндагӣ ва 16 маркази  хидматрасонӣ дорад, ки онҳо  ба  23 ҳазору  946  нафар   нафақахӯрон, 7  ҳазору  337  нафар  амонатгузорон,  210  ташкилоти  буҷавӣ ва 239  ташкилоти  ғайрибуҷавӣ  хидмат  мерасонанд.