Машварати корӣ бо иштироки Муродалӣ Алимардон
Хуҷанд, 23.02.2015. (АМИТ «Ховар», Абдуаҳад Шарифзода).-20 феврал дар мақомоти иҷроияи ҳокимияти давлатии вилояти Суғд таҳти роҳбарии муовини Сарвазири кишвар Муродалӣ Алимардон машварати корӣ доир гашт. Дар он намояндагони вазорату идораҳои ҷумҳуриявӣ, раисони шаҳру ноҳияҳои вилоят, ҷамоатҳои шаҳраку деҳот ва масъулини соҳаи кишоварзии вилоят иштирок намуданд.
Раиси вилояти Суғд Абдураҳмон Қодирӣ дар машварат оид ба амалишавии дастуру супоришҳои Президенти кишвар дар вилоят ва дар ин раванд соли гузашта ноил шудани меҳнаткашони вилоят ба дастоварҳои назаррас ёдовар шуд.
Муовини раиси вилояти Суғд Аҳмадҷон Қобилов зикр кард, ки соли гузашта дар раванди пешбурди соҳаи кишоварзӣ дар қаламрави вилоят 2 932 хоҷагии калонҳаҷми кишоварзӣ мавриди таҷдид қарор гирифта, 36 ҳазор хоҷагии деҳқонии навтаъсис созмон дода шуд.
Муовини Сарвазири мамлакат Муродалӣ Алимардон аз дастоварҳои шоистаи мардуми вилояти Суғд дар соли гузашта ва таҷрибаи ғании кормандони соҳаҳои иқтисодиву иҷтимоии вилоят ёдрас шуда, зикр намуд, ки ҳадафи асосии сафари гурӯҳи корӣ дар ҳайати намояндагони вазорату идораҳои ҷумҳуриявӣ на дарёфти камбудӣ ё танқид, балки расонидани кумаки методӣ, таҳлили вазъи воқеии иқтисодиёти вилоят ва дарёфти роҳҳои беҳтар намудани нишондиҳандаҳои истеҳсолӣ мебошад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
