Мулоқоти Д. Саид бо намояндагони ширкати «Қатари Диёр»
Душанбе, 25.02.2015 (АМИТ “Ховар”, Фарзонаи Давлат).- Муовини якуми Сарвазири Ҷумҳурии Тоҷикистон Давлаталӣ Саид бо ҳайати намояндагони ширкати «Қатари Диёр» мулоқот кард.
Давлаталӣ Саид ва раиси бахши иҷроияи ширкати «Қатари Диёр» Намман Атталаҳ, ки ҳайати намояндагони ширкатро роҳбарӣ менамояд, масоили иҷрои лоиҳаҳои дуҷонибаи ҳамкориро мавриди баррасӣ қарор доданд.
Зимни мулоқот таваҷҷуҳи асосӣ ба татбиқи лоиҳаи маҷмааи «Диёри Душанбе» зоҳир шуд, ки дар доираи татбиқи он панҷ бинои истиқоматӣ, меҳмонхона, маҷмааҳои хизматрасонию тиҷорат, биноҳои идоравӣ ва кўдакистон бунёд мегарданд. Дар айни замон марҳилаи аввали лоиҳаи мазкур бо харҷи баробар ба 55 млн доллари амрикоӣ анҷом ёфта, ба комиссияи давлатӣ пешниҳод шудааст.
Хотиррасон бояд кард, ки дар асоси Созишнома байни Ҳукумати Ҷумҳурии Тоҷикистон ва Ҳукумати Давлати Қатар оид ба ҳавасмандкунӣ ва кафолати сармоягузорӣ аз моҳи августи соли 2011 Давлати Қатар лоиҳаи сохтмони маҷмааи «Диёри Душанбе» ва масҷиди бузурги замонавиро дар шаҳри Душанбе амалӣ менамояд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
