Мулоқоти М. Ҷабборӣ бо Стивен Фелдштейн

Душанбе, 06.02.2015 (АМИТ Ховар, Фарзонаи Давлат).-Имрўз муовини Сарвазири мамлакат Марҳабо Ҷабборӣ бо муовини Котиби давлатии ИМА Стивен Фелдштейн мулоқот кард. Мусоҳибон доир  ба раванди ҳамкориҳои байниҳукуматии Тоҷикистон ва ИМА дар бахши меҳнат, демократикунонии ҷомеа, дин ва ҳуқуқу озодиҳои инсон,  хусусан ҳуқуқу озодиҳои занону духтарон  табодули  афкор карданд.
Тавре ки таъкид шуд, дар Ҷумҳурии Тоҷикистон барои баланд бардоштани мақоми зан дар ҷомеа ва таъмини ҳифзи ҳуқуқу озодиҳои онҳо тадбирҳои зарурӣ андешида шуда, беш аз 15 барномаю санадҳои меъёрию ҳуқуқӣ ба тавсиб расидаанд. Дар баробари ин, роҳбарияти давлату Ҳукумати Ҷумҳурии Тоҷикистон ба масъалаи  аз ҳисоби занону духтарони лаёқатманди мамлакат тайёр намудани мутахассисони баландихтисос, таъмини баробарҳуқуқии занону мардон дар ҷомеа, ҷалби занон ба корҳои роҳбарии давлатӣ ва пешгирии хушунат дар оила аҳамияти авалиндараҷа зоҳир менамоянд.
Дар мулоқот ҳамзамон доир ба дигар мавзӯъҳои мавриди таваҷҷуҳ гуфтугӯи судманд сурат гирифт.