Мулоқоти Шариф Саид бо Мирзои Дӯстмамад
Душанбе, 03.02.2015. (АМИТ «Ховар», Кристина Эрлих).- Раиси Палатаи савдо ва саноати Тоҷикистон Шариф Саид зимни мулоқот бо сардори Раёсати умури маводи ғизоии Ҳукумати ноҳияи мухтори Синҷону Уйғур, ки 2 феврал дар шаҳри Урумчи баргузор гардид, пешниҳод намуд, ки барои бунёди корхонаҳои муштараки коркарди маҳсулоти кишоварзӣ ва таъмиру истифодаи техникаи бахши кишоварзӣ бархе лоиҳаҳо дар амал татбиқ карда шаванд.
«Барои ҳалли масоили оид ба таъмини бехатарии маводи ғизоии Тоҷикистон бояд комплекси кишоварзию саноатӣ, хусусан бахшҳои ашёи хом ва соҳаҳои коркарди саноатии он рушду густариш дода шавад», — гуфт Шариф Саид.
Шариф Саид изҳор дошт, ки дар Тоҷикистон назар ба эҳтиёҷоти дохилии он бештар меваю сабзавот ба даст меояд. Мавсуф дар робита бо ин таваҷҷуҳро ба имкониятҳои парваришу содироти маҳсулоти кишоварзӣ ҷалб намуд.
Ҷонибҳо масоили аз ноҳияи мухтори Синҷону Уйғур ба Тоҷикистон ворид намудани техникаю таҷҳизоти кишоварзӣ барои соҳаҳои коркарди маҳсулот, тавлиди нуриҳои минералӣ ва таҳияи тухмии хушсифатро муфассал муҳокима намуданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
