Мусобиқаи кушод оид ба Чиу-читсуи бразилӣ дар Душанбе
Душанбе, 03.02.2015. (АМИТ Ховар, Рафоати Абдулҳамид).- Дар шаҳри Душанбе мусобиқаи кушод оид ба намуди варзиши Чиу-читсуи бразилӣ баргузор гардид, ки дар он 10 даста аз клубу мактабҳои варзишии пойтахт, ноҳияҳои Восею Данғараи вилояти Хатлон ва шаҳру ноҳияҳои тобеи марказ иштирок намуданд. Мусобиқаи мазкур ба муносибати рӯзи Қувваҳои мусаллаҳи Ҷумҳурии Тоҷикистон ташкил шуда, дар он беш аз 150 варзишгар иштирок ва барои ишғоли мақомҳои ифтихорӣ байни ҳам дар вазнҳои гуногун талош карданд.
Мусобиқа байни кӯдакону наврасон ва ҷавонон ташкил шуд, ки рақобатҳо тӯли ду рӯз дар толори маҷмааи варзишии Хадамоти алоқа идома карданд. Хусусан вохӯриҳои даври финалӣ ҷолибу шавқовар ҷараён гирифтанд ва он нафароне дастболо гаштанд, омодагии хуб дидаанд.
Ин аввалин мусобиқаи Чиу — читсуи бразилиягӣ дар соли ҷорӣ буда, варзишгаронро дар давоми сол боз чандин сабқатҳои сатҳи шаҳрию ҷумҳуриявӣ ва байналмилалӣ интизоранд, зеро ба гуфти роҳбари Федератсияи миллии Чиу-читсуи Тоҷикистон Алиҷон Давлатов фаъолияти ин намуди варзиш дар Тоҷикистон аз ҷониби Ассотсиатсияи варзишии Чиу-читсуи ҷаҳонӣ расман ба қайд гирифта шуд ва акнун варзишгарон ба мусобиқаҳои байналмилалӣ даъват мешаванд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
