Мусобиқот барои дарёфти Ҷоми вазири корҳои дохилии ҶТ
Душанбе, 06.02.2015. (АМИТ «Ховар», Мурод Сотиев).- Имрӯз, 6 феврал, дар шаҳри Қӯрғонтеппа маросими ифтитоҳи мусобиқот аз рӯи минифутбол байни дастаҳои сохторҳои қудратӣ ва наврасону ҷавонони созмонҳои вилоят барои дарёфти Ҷоми вазири корҳои дохилии Ҷумҳурии Тоҷикистон баргузор гардид.
Дар ин маросим муовини раиси вилояти Хатлон Ситора Шерзода, сардори раёсати Вазорати корҳои дохилии ҶТ дар вилояти Хатлон Баҳром Шарифзода, роҳбарони сохторҳои қудратии вилоят иштирок доштанд.
Баҳром Шарифзода зикр намуд, ки мақсад аз роҳандозии мусобиқот таҳти унвони «Варзиш ҷонибдори тансиҳатии оила ва зидди нашъамандӣ», бешубҳа, ба тарбияи ҷавонон дар рӯҳи ватандӯстӣ, ташаккули тарзи солими зиндагӣ ва оилаи солим мусоидат мекунад.
Дар оғози мусобиқот дастаи раёсати Агентии назорати давлатии молиявӣ ва мубориза бо корруппсия дар вилояти Хатлон бо ҳисоби 1:0 бар дастаи Маркази стандартизатсия, метрология, сертификатсия ва назорати тиҷоратии вилояти Хатлон пирӯз шуд.
Мувофиқи маълумоти раёсати ВКД вилояти Хатлон, дар мусобиқот беш аз 20 даста иштирок дорад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
