Намоиш — фурӯши молҳои Ҳиндустон дар Хуҷанд
Душанбе, 23.02.2015. (АМИТ «Ховар», Мавҷуда Анварӣ).- Аз 5 то 15-уми марти соли ҷорӣ дар шаҳри Хуҷанд нахустин маротиба намоиш — фурӯши молҳои Ҷумҳурии Ҳиндустон доир мегардад.
Ин намоиш тибқи шартномаи Палатаи савдо ва саноати вилояти Суғд ва ширкати «INDO RUSSIA EXPO» доир мегардад.
Дар чорабинӣ беш аз 20 ширкати ҳиндустонӣ маҳсулоти худро ба намоиш ва фурӯш мегузоранд.
Баргузории ин чорабинии иқтисодӣ қадами устувор дар тавсеаи равобити ду кишвар дар заминаи тиҷорат ва ҷалби сармояи Ҳиндустон ба Тоҷикистон арзёбӣ мешавад.
Бояд тазаккур дод, ки дар намоишгоҳ ширкатҳои ҳиндустонӣ маҳсулоти нассоҷӣ, чармӣ, ҷавоҳирот, ороишот, атриёт, фармасевтӣ ва дигар маҳсулоте, ки аз тариқи ҳунарҳои дастӣ тавлид шудаанд, пешкаши тамошобинон ва муштариён мегардонанд.
Дар назар аст, ки намоиш ва фурӯши маҳсулоти Ҳиндустон дар Театри ба номи Камоли Хуҷандӣ доир гардад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
