Озмуни драматургҳо

Душанбе, 18.02.2015. (АМИТ «Ховар»).-  Вазорати  фарҳанги Тоҷикистон  бахшида ба Соли оила  озмуни  ҷумҳуриявии драматургҳоро  доир  менамояд. Назар  ба  иттилои Вазорати  фарҳанги  ҷумҳурӣ, мақсад  аз доир  намудани озмун дарёфти  асарҳои  беҳтарини  драммавӣ  дар  мавзӯи  оилаю  оиладорӣ   ва  тарзи  солими  зиндагӣ  аст.
Асарҳо аз  20  феврал то  20  июн  қабул  карда  мешаванд. 
Асарҳои  озмунӣ иборат  аз  3  нусха ба  забонҳои тоҷикӣ,  русӣ ва  ӯзбекӣ пешниҳод  гардида, онҳо  бояд мавзӯъҳои  оила, тарзи  солими  зиндагӣ,  мақоми  зану модар  дар  тарбияи  кӯдакон, тарбияи  насли  наврас  дар рӯҳи арзишҳои ахлоқиро  дар бар  гиранд. Муаллиф ё  муаллифон  барои  пешниҳоди  фақат  як  асаре  ҳуқуқдоранд, ки ҷавобгӯи  талабҳои  бадеию  ғоявии  жанри драматургӣ ва ҳамкории  драматург бо  коргардони театр  бошад. 
Асарҳои беҳтарин бо  усули  овоздиҳии  пинҳонии ҳакамҳо муайян  гардида,  ба  репертуари театрҳо  дохил  карда  мешаванд. 
Ғолибони озмун  бо мукофотҳои  пулӣ  сарфароз  мегарданд.