Рушди туризми дохилӣ-пешниҳоди ҷавонони пойтахт

Душанбе, 12.02.2015 (АМИТ “Ховар”, Фарзонаи Давлат).-Дар доираи нақшаи чорабиниҳои Кумитаи ҷавонон, варзиш ва сайеҳӣ, имрӯз дар ноҳияи Синои пойтахт вохӯрии масъулини кумита бо ҷавонони фаъоли ноҳияи мазкур баргузор шуд. 
Дар мулоқот масъулини кумита нуктаҳои Паёми Президенти кишварро ба ҳозирин шарҳ дода, аз дастовардҳои мардуми тоҷик, корҳои созандагиву бунёдкорӣ дар тӯли солҳои соҳибистиқлолӣ ёдовар шуданд. 
Ҷавонон низ дар навбати худ аз ғамхории Сарвари Давлат нисбат ба ҷавонон миннадорӣ намуда, барои рушди туризми дохилӣ, тарбияи ҷавонон дар рӯҳияи ватандӯстӣ ва пешгирии ҷавонон аз шомилшавӣ ба гурӯҳҳои ифротӣ таклифу пешниҳодҳои ҷолиб манзур намуданд.
Гуфта мешавад,  чунин вохӯриҳои судманд бо фаъолони минтақаҳои ҷумҳурӣ идома дорад.