Сармоягузорони Олмон дар Тоҷикистон шарик меҷӯянд
Душанбе, 18.02.2015. (АМИТ «Ховар»).- 17 феврал раиси Палатаи савдо ва саноати Тоҷикистон Шариф Саид роҳбари Намояндагии иқтисодиёти Олмон дар Осиёи Марказӣ, раиси Иттифоқи иқтисодиёти Олмон дар Қазоқистон Йорг Ҳетч ва муовини доимии мудири шуъбаи ҳамкории иқтисодӣ ва рушди сафорати Ҷумҳурии федералии Олмон Зилку Клёверро ба ҳузур пазируфт.
Назар ба иттилои ПСС ҶТ, намояндагони Олмон ба манзури барқарор намудани муносибатҳои тиҷоратӣ ва муҳокимаи дурнамои ҳамкории мутақобилан муфид дар бахшҳои мухталифи иқтисодиёт, ҳамчунин ҳамкории байни намояндагони палатаҳо ба Тоҷикистон омадаанд.
Мусоҳибон имконоти татбиқи лоиҳаҳои мушаххаси муштарак дар бахшҳои афзалиятноки иқтисодиёти Тоҷикистонро мавриди муҳокима қарор доданд.
Зикр шуд, ки ҳамкорӣ бо Олмон яке аз самтҳои афзалиятноки сиёсати хориҷии Тоҷикистон маҳсуб меёбад.
Йорг Ҳетч зикр намуд, ки намояндагии иқтисодиёти Олмон дар Осиёи Марказӣ ба барномаҳои марбут ба рушду густариш бахшидани равобити аҳли тиҷорати Олмону Тоҷикистон фаъолона ёрӣ мекунад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
