Сохтмони меҳмонхонаи замонавӣ дар Балҷувон
Балҷувон, 21.02.2014. (АМИТ «Ховар», Сулаймони Хол).-Ноҳияи Балҷувон бо мавзеъҳои зебоманзари хеш диққати сайёҳони дохиливу хориҷиро ба худ ҷалб намудааст. Бештари ин мавзеъҳо дар ҷамоати деҳоти Сари Хосор мавҷуд мебошад ва кормандони хоҷагии ҷангал барои сайёҳон ҳама шароитҳоро муҳайё менамоянд. Майдони умумии хоҷагии ҷангали Сари Хосор 6 ҳазору 95 гектарро ташкил медиҳад ва кормандони хоҷагӣ ҳамасола барои барқарорсозии чангалзор ва бунёди қитъаҳои нав кӯшиш ба харҷ медиҳанд. Ба қавли Исуф Ғоибов, директори Муассисаи давлатии хоҷагии ҷангали Сари Хосор соли 2014 беш аз 30 нафар сайёҳи хориҷӣ ва садҳо нафар сайёҳони дохилӣ дар ин мавзеъ истироҳат карданд. Ҷиҳати муҳайё намудани шароити хуби истироҳатии сайёҳон барои сохтмони меҳмонхонаи ҷавобгӯ ба меъёрҳои байналхалқӣ шурӯъ гардидааст ва он дар соли 2015 мавриди истифода қарор дода мешавад. Дар ин ноҳия ба рушди туризми байналхалқӣ аҳамияти махсус зоҳир мешавад. Дар айни замон мавҷуд набудани роҳи мошингард то маракази ҷамоати деҳот барои сокинон ва меҳмонон мушкилӣ пеш овардааст, ки ба гуфти масъулин он дар ояндаи наздик ҳалли хешро пайдо хоҳад кард.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
