Сохтмони шохаи роҳи оҳани Ваҳдат — Ёвон соли 2016 анҷом меёбад
Душанбе, 09.02.2015. (АМИТ «Ховар», Кристина Эрлих).- Кормандони нақлиёти Тоҷикистон сохтмони шохаи роҳи оҳани Ваҳдат — Ёвонро дар соли 2016 анҷом доданианд.
Мувофиқи маълумоти Вазорати нақлиёти кишвар, ҷадвали корҳои сохтмонӣ тартиб ёфта, моҳи сентябри соли 2016 ба муносибати 25 — солагии истиқлолияти ҷумҳурӣ ба истифода додани ин иншоот дар назар аст.
Барои татбиқи лоиҳаи мазкур Ҷумҳурии Мардумии Чин ба маблағи 71,2 миллион доллари ИМА қарз додааст. Дар сохтмони мазкур маблағҳои Ҳукумати ҶТ низ истифода мешаванд.
Ёдовар мешавем, ки арзиши лоиҳаи сохтмони роҳи оҳани Ваҳдат — Ёвон ба масофаи 46 километр 125 миллион доллари ИМА — ро ташкил дода, сохтмони он соли 2009 оғоз ёфта буд.
Дар шуъбаи нақлиёт зикр намуданд, ки ба татбиқи лоиҳаи роҳи оҳани минтақавии Тоҷикистон — Афғонистон — Туркманистон, ки ба рушди минтақаҳои ҷанубӣ мусоидат мекунад, таваҷҷуҳи хоса зоҳир мешавад. Дар назар аст, ки сохтмони шохаи тоҷикистонии лоиҳаи мазкур соли 2015 оғоз меёбад. Алҳол ҷиҳатҳои техникии лоиҳа арзёбӣ мешавад.
Мувофиқи ҳисоботи пешакӣ, лоиҳаи мазкур тайи ду сол, яъне аз соли 2015 то соли 2017 дар амал татбиқ мегардад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
