Ҷамъбасти чемпионат оид ба шоҳмот дар «Литсейи Раҳнамо»
Душанбе, 30.03.2015.(АМИТ”Ховар”).-Ҷиҳати дарёфти шоҳмотбозони беҳтарин, мустаҳкам намудани робитаи дўстӣ ва рушди зеҳнии наврасон бахшида ба ҷашни Наврўз аз 24-уми март то 29-уми марти соли ҷорӣ дар ҳамкорӣ бо Федератсияи шоҳмоти Ҷумҳурии Тоҷикистон ва дастгирии Кумитаи ҷавонон, варзиш ва сайёҳӣ дар «Литсейи Раҳнамо» чемпионати ҷумҳуриявӣ оид ба шоҳмот дар байни наврасон баргузор шуд.
Бозии шоҳмот аз ҷумлаи он намудҳои варзишест, ки барои рушди зеҳнии инсон кумак мекунад. Дар баробари ин, шахси шоҳмотбоз ҳозирҷавоб, кунҷков ва фикркунанда мешавад. Ин намуди варзишро «варзиши ақл» низ мегўянд. Бартарии дигари ин намуди варзиш дар он аст, ки дар тамоми синн ба ин бозӣ машғул шудан мумкин аст.
Дар мусобиқа 11 даста: 2 даста аз Вилояти Мухтори Кӯҳистони Бадахшон, 2 даста аз вилояти Суғд, 2 даста аз ноҳияҳои тобеи марказ, 2 даста аз вилояти Хатлон (Қурғонтеппа ва Кўлоб), 3 даста аз шаҳри Душанбе иштирок намуда, шумораи умумӣ 120 нафарро ташкил дод. Чемпионат аз рўйи се намуди шоҳмот: классикӣ (аз як соат зиёд), рапид (зудбозӣ то 15 дақиқа) ва блитс (барқвор — то се дақиқа) гузаронида шуд.
Чемпионати ҷумҳуриявӣ дар толори литсей бо ҳунарнамоии дастаи ҳаваскорони «Литсейи Раҳнамо» ҷамъбаст гардида, аз тарафи намояндагони Кумитаи ҷавонон, варзиш ва сайёҳӣ ва Федератсия шоҳмоти Тоҷикистон ба ғолибони чемпионат диплому ифтихорномаҳо тақдим гардиданд.
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
