Баррасии ҳамкориҳо миёни Тоҷикистону Ветнам
Душанбе, 13.03.2015 (АМИТ «Ховар», Фарзонаи Давлат).-11-уми марти соли равон вазири саноат ва технологияҳои нави Ҷумҳурии Тоҷикистон Шавкат Бобозода бо сафири навтаъйини Ҷумҳурии Сотсиалистии Ветнам Фан Ван Фао ҳамкориҳои Тоҷикистону Ветнамро дар соҳаи технологияи нав баррасӣ карданд.
Бино ба иттилои котиботи вазорати мазкур вазири саноат ва технологияҳои нав Шавкат Бобозода сафири навтаъйини Ҷумҳурии Сотсиалистии Ветнам Фан Ван Фаоро барои ба ин вазифа таъйин шуданаш табрик намуда, ҷиҳати амалигардонии фаъолияти касбиашон комёбиҳо таманно намуд.
Зимни мулоқот сафири нави фавқулода ва мухтори Ҷумҳурии Сотсиалистии Ветнам ҳадафи асосии талошу кўшишҳои минбаъдаашро пеш аз ҳама дар самти таҳким ва густариш бахшидани ҳамкориҳо ва муносибатҳои дуҷониба арзёбӣ намуда, изҳори боварӣ намуд, ки тамоми саъю неруи худро дар бахши тақвияти равобити соҳаи саноат ва технологияҳои нав равона хоҳад кард.
Гуфта мешавад, Шавкат Бобозода доир ба соҳаҳои саноат, бахусус соҳаи нассоҷӣ ва дўзандагӣ, фазои мусоиди сармоягузорӣ дар ҷумҳурӣ ва мавҷуд будани захираҳои зиёди ашёи хом ибрози назар намуда, ҳамкориҳои судмандро дар самтҳои мазкур мувофиқи мақсад арзёбӣ намуд.
Ҷонибҳо аз натиҷаи вохурӣ изҳори қаноатмандӣ намуда, ҳамчунин иброз доштанд, ки густариши ҳамкориҳои дуҷониба ба манфиати тарафҳо хоҳад буд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
