Чемпионати ҶТ оид ба гӯштини юнонию римӣ
Душанбе,17.03.2015. (АМИТ “Ховар”, Рафоати Абдулҳамид).- Дирӯз дар Мактаби маҳорати олии варзишӣ оид ба намудҳои гӯштин чемпионати ҶТ оид ба гӯштини юнонию римӣ оғоз гардид. Дар мусобиқа зиёда аз 100 варзишгар аз тамоми шаҳру ноҳияҳои ҷумҳурӣ барои дарёфти зинаҳои ифтихорӣ талош доранд. Рақобатҳо аз рӯи 8 вазн ҷараён гирифта, дастпарварони клубҳои варзишии ҷумҳурӣ барои мағлуб намудани рақибон ва дастболо гаштан дар вазни худ аз субҳ ба қуваозмоӣ шурӯъ намуданд. Ба гуфти мураббиён гӯштини юнонию римӣ, ки шомили бозиҳои тобистонаи олимпӣ мебошад, дар Тоҷикистон рӯз то рӯз инкишоф меёбад ва он барои дарёфти ҷавонони лаёқатманд мусоидат метавонад. Барои кашф ва тарбия намудани гӯштингирони дорои истеъдод ва маҳорати баланд мураббиёни намуди гӯштини юнонию римии мактаби маҳорати олии варзишӣ дар ҳамкорӣ бо дигар мақомоти дахлдор як силсила мусобиқаҳоро дар соли равон ташкил намуданд, ки он барои баланд бардоштани маҳорат ва таҷрибаи дастпарваронашон мусоидат мекунад.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
