Дастаи ҷавонони Тоҷикистон дар мусобиқоти Осиё иштирок намекунад

Душанбе, 31.03.2015. (АМИТ «Ховар»).-  Дастаи  мунтахаби   ҷавонони  Тоҷикистон  оид ба  футбол  дар  даври интихобии  мусобиқоти  Осиё  байни  дастаҳои  ҷавонони  синнашон  то  23  дар вохӯрӣ  бо  дастаи  мунтахаби Аморати  Муттаҳидаи  Араб  бозиро бо  ҳисоби  0:3  бохт.
Баъди  даври  дуюми  вохӯриҳо  дастаҳои  мунтахаби  Аморати  Муттаҳидаи  Араб  ва  Яман  ҳар  кадом  6  холӣ  ба даст оварда, дастаҳои Тоҷикистон  ва Шри — Ланка  ягон  хол  нагирифтаанд. Ба  хамин тариқ,  шогирдони Алишер  Тӯхтаев аз  ҳамаи  имкониятҳои  давом додани  вохӯриҳо  дар  мусобиқоти минбаъдаи  Осиё  маҳрум  шуданд. 
Дастаи  мунтахаби ҷавонони  Тоҷикистон  дар даври охирини  сабқати интихобии мусобиқот  31  март  бо  дастаи  Шри — Ланка  вомехӯрад.