Дидори раиси Маҷлиси миллӣ бо сенаторони Фаронса

       Душанбе, 02.03.2015.(АМИТ «Ховар», Марзия Саидзода).-Дар Душанбе мулоқоти раиси Маҷлиси миллӣ Маҳмадсаид Убайдуллоев бо ҳайати нозирони байналмилалӣ аз Сенати Фаронса таҳти роҳбарии  Президенти ҳайати Ассамблеяи миллии Фаронса дар Ассамблеяи парламентии Созмони амният ва ҳамкорӣ дар Аврупо Тиери Марианӣ баргузор гардид.
 
   М. Убайдуллоев афзуд, ки  сафари ҳайати мазкур ба Тоҷикистон   дар рушди муносибатҳои байнипарлумонӣ дар доираи Ёддошти тафоҳуми миёни гурӯҳи дӯстӣ ва ҳамкории Маҷлиси миллии Маҷлиси Олии Ҷумҳурии Тоҷикистон ва Сенати Фаронса самараи нек хоҳад дод.
  Таъкид гардид, ки сенаторон аз ваколатҳои ба зиммадоштаашон ҷиҳати таҳкими ҳамкориҳои иқтисодию тиҷоратӣ, гуманитарӣ ва густариши муносибатҳои байнипарлумонӣ байни Маҷлиси миллӣ ва Сенати  Фаронса тадбирҳои судмандро анҷом хоҳанд дод.