Эҳсонкории ДМИТ дар Наврӯз
Душанбе, 20.03.2015. (АМИТ «Ховар», Раъно Нусратуллозода).-Ҳамасола бо фарорасии Наврӯзи хуҷастапай аз ҷониби ташкилоту муассисаҳо ба ятимону бепарасторон расонидани кумак ба ҳукми анъана даромадааст.
Вобаста ба ин Донишкадаи молия ва иқтисоди Тоҷикистон ба тарбиятгирандагони мактаб-интернати ҷумҳуриявии кӯдакони шунавоиашон суст ва деркаршудаи ноҳияи Рӯдакӣ як адад телевизори плазмавӣ, як адад принтер, инчунин маводи ғизоӣ ба маблағи қариб 7 ҳазор сомонӣ, аз қабили орд, равған, биринҷ, макарон, шакар, картошка, пиёзу сабзӣ расониданд.
Аз раёсати донишкада Саймаҳмуд Қаландаров, муовини ректор оид ба масъалаҳои иқтисодӣ ва маъмурию хоҷагӣ ва Хуршед Насриддинов, раиси Кумитаи муттаҳидаи иттифоқи касаба хайрияи мазкурро ба ин табақаи ниёзманди ҷомеа, ки ба лутфу навозиш эҳтиёҷ доранд, супориданд. Роҳбарияти мактаб-интернат барои дастгирӣ изҳори сипос намуданд.
Инчунин ба тарбиятгирандагони мактаб-интернати ҷумҳуриявии кӯдакони ятими шаҳри Кӯлоб аз тарафи донишкада дар ҳаҷми 7 ҳазор сомонӣ ва аз ҷониби Вазорати молияи Ҷумҳурии Тоҷикистон ба миқдори 17 ҳазор сомонӣ кумаки молиявӣ расонида шуд.
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
ҶАМЪБАСТИ НИШАСТҲОИ МАТБУОТӢ. 14 феврал дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб
Дар соҳаҳои кишоварзӣ, сохтмон, саноат ва савдои шаҳри Ҳисор беш аз 5,4 ҳазор ҷойи нави кор таъсис ёфтааст
Онлайн-хизматрасонӣ: чӣ тавр метавон масъалаи мобилиро дар якуним дақиқа ҳал намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
