Фан Ван Фао: «Ветнам Тоҷикистонро чун дӯсти наздики худ мешиносад»
Душанбе, 11.03.2015. (АМИТ «Ховар», Мавҷуда Анварӣ). -Пас аз супоридани эътимоднома ба Президенти кишвар 10 марти соли чорӣ сафири навтаъйини Ҷумҳурии Сотсиалистии Ветнам Фан Ван Фао дар ҳузури хабарнигорон ҳадафи асосии талошу кӯшишҳои минбаъдаашро пеш аз ҳама боз ҳам таҳким ва густариш бахшидани ҳамкориҳо ва муносибатҳои байни ду кишвар- Ветнам ва Тоҷикистон арзёбӣ намуд.
Сафири нави фавқулода ва мухтори Ҷумҳурии Сотсиалистии Ветнам изҳори боварӣ намуд, ки барои таҳким ва рушду густариши муносиботи ду кишвари дӯст саҳми намоён гузошта, тамоми саъю неруи худро дар самти тақвияти равобити гуногунсоҳаи ду кишвар равона хоҳад кард.
«Ветнам Тоҷикистонро чун дӯсти наздики худ мешиносад. Албатта, ман аз тарафи худ кӯшиши худро ҷиҳати баланд бардоштани сатҳи ҳамкориҳои мутақобилан судманди иқтисодӣ ба харҷ хоҳам дод ва аз ҷониби Тоҷикистон низ хостам дар амалишавии ин мақсад маро ҷонибдорӣ кунанд. Умедворам, ки ин ҳама нақшаҳои мо зина ба зина амалӣ мешаванд ва сатҳи мубодилаи молу маҳсулот ва савдо байни ду кишвар бо талошҳои дуҷониба боло меравад».
Дипломати ветнамӣ дар ниҳоят мардуми Тоҷикистонро ба муносибати фарорасии Иди Наврӯз табрик намуд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
