Хуҷанд: ифтитоҳи 35 иншоот дар арафаи Наврӯз
Хуҷанд, 17.03.2015. (АМИТ “Ховар”,Абдуаҳад Шарифзода).-Дар шаҳри Хуҷанд дар рӯзҳои таҷлили Иди Наврӯз 35 иншоот ба истифода дода мешавад.
Тавре ки ба АМИТ “Ховар” масъулин аз мақомоти шаҳри Хуҷанд иттилоъ доданд, аксарияти иншоотҳои ифтитоҳшаванда ҷашнӣ буда, аз шумораи умумии иншоотҳо 7 тояш коргоҳҳои хурду миёнаи саноатӣ ба ҳисоб рафта, боқимонда аҳамияти иҷтимоӣ доранд. Инҳо мавзеи “Лавҳаи фахрӣ” бо фаввораи замонавӣ, бинои нави бонки “Тоҷиксодиротбонк”, чойхонаи адибон, як мағозаи тухмиву гулҳо, ду бинои баландошёна ба ҳисоб мераванд.
Инчунин дар рӯзҳои таҷлили Наврӯз дар маркази шаҳр бо иштироки бевоситаи Сарвари давлат Эмомалӣ Раҳмон ва меҳмонони олимақом пас аз тачдиду навсозӣ Боғи фарҳангиву фароғатии ба номи Камоли Хуҷандӣ ифтитоҳ хоҳад шуд.
Ҳамчунин баҳри ободу зебо гардонидани шаҳр дар арафаи таҷлили Наврӯзи ҷаҳонӣ дар ҳудуди Хуҷандшаҳр тибқи супориши раиси вилояти Суғд Абдураҳмон Қодирӣ ва дастури раиси шаҳри Хуҷанд Раҷаббой Аҳмадзода шаклу усули ороиш, шинондан ва гулкории майдонҳо аз солҳои гузашта куллан фарқ мекунанд.
Тубакҳои гул дар гулмонакҳои бо намудҳои гуногунсохташуда гузошта шуда, дар кӯчаву хиёбонҳои шаҳр зиёда аз 30 ҳазор дона гули лола шинонда шудааст.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
