Интиқоли ҷасади қурбониёни фоҷиаи Қазон ба ватан
Душанбе, 13.03.2015.(АМИТ «Ховар», Лайло Тоирӣ).- Вазорати меҳнат, муҳоҷират ва шуғли аҳолии Ҷумҳурии Тоҷикистон ба пайвандон ва наздикони нафароне, ки дар натиҷаи сўхтор дар маркази савдои «Адмирал» дар шаҳри Қазони Федератсияи Русия ҳалок шудаанд, тасаллият баён менамояд.
Хотиррасон мекунем, ки дар натиҷаи фоҷиае, ки 11 марти соли ҷорӣ дар Қазон рух дод, аз ҷумла миёни ҳалокшудагон ҷасади шаш нафар шаҳрванди Ҷумҳурии Тоҷикистон низ пайдо гардид, ки онҳо Тураев Қосимҷон Аъзамхонович, соли таваллудаш 1971 ва Ҳикматуллои Ҳайтуллохон, соли таваллудаш 1992, сокинони ноҳияи Рӯдакӣ, Риёев Эмомалӣ Раҳматуллоевич, соли таваллудаш 1984 ва Давронов Алишер Азизович, соли таваллудаш 1996, сокинони ноҳияи Ёвон мебошанд.
Инчунин рўзи 12 март ҷасади боз ду нафар шаҳрванди Тоҷикистон, ки дар натиҷаи ин фоҷиа ҳалок гаштаанд- Ҳомидов Шокир Ҳокимович ва фурӯшандаи маҳсулоти атриёт Суҳроб, ки шахсияташ дар айни замон муайян шуда истодааст, дарёфт гардид.
Вазорати меҳнат, муҳоҷират ва шуғли аҳолии Ҷумҳурии Тоҷикистон, Хадамоти муҳоҷирати вазорат, Намояндагии вазорат дар Федератсияи Русия оид ба муҳоҷират ва Сафорати Ҷумҳурии Тоҷикистон дар Федератсияи Русия барои интиқоли ҷасадҳо ба Тоҷикистон кӯшиш ба харҷ дода истодаанд. Рӯзҳои наздик ҷасадҳои қурбониёни ин фоҷиа ба ватан оварда мешаванд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
