Муҳокимаи масъалаи ҳамкории байни палатаҳо
Душанбе, 17.03.2015. (АМИТ «Ховар»).- 16 март раиси Палатаи савдо ва саноати Тоҷикистон Шариф Саид дар шаҳри Маскав бо президенти Палатаи савдо ва саноати Федератсияи Русия Сергей Катирин мулоқот анҷом дод.
Тавре ки ПСС ҶТ хабар медиҳад, ҷонибҳо масоили ҳамкории байни палатаҳо ва самтҳои асосии ҳамкории тиҷоратию иқтисодии байни Тоҷикистон ва Федератсияи Русияро мавриди муҳокима қарор доданд.
Ҳамзамон масъалаҳои моҳҳои октябр ва ноябри соли 2015 дар шаҳри Душанбе ташкил намудани намоишгоҳи маҳсулоти корхонаҳои Русия таҳти унвони шартии Намоишгоҳи якуми Русияю Тоҷикистон (EXPO Rashen — Tajikistan 2015) ва таъсис додани Шӯрои муштараки тоҷирони Русия ва Тоҷикистон баррасӣ шуданд.
Зимни мулоқот ҳамчунин масоили аз Тоҷикистон ба минтақаҳои Русия ворид намудани меваю сабзавоти тоза, меваи хушк ва маҳсулоти дигари кишоварзӣ мавриди муҳокима қарор гирифтанд.
«Соҳаҳои дигаре арзи вуҷуд доранд, ки Тоҷикистону Русия метавонистанд дар хошияи онҳо ҳамкориро дар бахшҳои саноату кишоварзӣ, илму техника ва табодули фарҳангӣ густариш диҳанд», — гуфт Шариф Саид.
«Русия дар ҳақиқат ба муҳоҷирони меҳнатӣ зарурат дорад. Муҳоҷирон дар қаламрави Русия на фақат барои пешбурди рӯзгор ва ғанӣ гардонидани буҷаи ҷумҳурӣ маблағ ба даст меоранд, балки ба ободонию рушди иқтисодиёти Русия низ ҳисса мегузоранд», — зикр намуд Сергей Катирин.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
