Муҳокимаи масоили муҳоҷирати меҳнатӣ
Душанбе, 16.03.2015. (АМИТ «Ховар»).- Чанде пеш сафири Тоҷикистон дар Қазоқистон Назирмад Ализода ва вазири тандурустӣ ва рушди иҷтимоии Қазоқистон Тамара Дуйсенова самтҳои ҳамкорӣ дар бахши тандурустӣ ва муҳоҷирати меҳнатиро мавриди муҳокима қарор доданд.
Тавре ки Вазорати корҳои хориҷии ҶТ хабар медиҳад, дар ҷараёни мулоқот дар мавриди табодули таҷрибаи байни мутахассисон, тарҳрезии маҷмӯи чорабиниҳои муштарак перомуни масоили беҳдошти тансиҳатии модару фарзанд, мубодилаи иттилоот аз рӯи бемориҳои хавфноки сирояткунанда, танзими муштараки чорабиниҳо ҳангоми сар задани ҳолатҳои фавқулодда, ки дар натиҷаи онҳо зарурати рсонидани ёрии тиббӣ ва роҳандозии тадбирҳои санитарию эпидемиологӣ ба миён меояд, ҳусни тафоҳум ба даст омад.
Тамара Дуйсенова зикр намуд, ки дар Ҷумҳурии Қазоқистон қонуни амалкунандае арзи вуҷуд дорад, ки масоили ҷалби коргарони хориҷӣ, аз ҷумла ҷалби кормандони мавсимии хориҷӣ ба кишварро танзим менамояд.
Дар ҷараёни мулоқот ҳамчунин масоили такмили қонунгузорӣ нисбат ба муҳоҷирони меҳнатӣ ва шаҳрвандони Ҷумҳурии Тоҷикистон, ки дар ҳудуди Ҷумҳурии Қазоқистон муваққатан кор мекунанд, муҳокима шуданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
