Мулоқоти С.Тағойзода бо А. Гобиизӣ
Душанбе, 12.03.2015.( АМИТ «Ховар», Лайло Тоирӣ).-Вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағойзода 10 март бо Сафири фавқулода ва мухтори Эфиопия дар Туркия, Ҷумҳурии Қиргизистон, Гурҷистон, Озарбойҷон ва Ҷумҳурии Тоҷикистон Айлев Гобиизӣ мулоқот намуд.
Дар ҷараёни вохўрӣ Айлев Гобиизӣ миннатдории хешро ҷиҳати фароҳам овардани мулоқот баён дошта, дар бораи танзими раванди муҳоҷирати меҳнатии шаҳрвандони Ҷумҳурии Тоҷикистон ба хориҷа ва саҳми ҳамватанони бурунмарзӣ дар рушди иқтисодиёти мамлакат инчунин, омўзиши таҷрибаи Тоҷикистон дар соҳаи муҳоҷирати меҳнатиро хостор шуд ва барои ба роҳ мондани ҳамкории минбаъдаи тарафайн мақсад гузошт.
Сафир зикр кард, ки Эфиопия давлати интиқолкунандаи қувваи корӣ ба хоричи кишвар мебошад ва аз ин рў, зарур мешуморад, ки таҷрибаи Ҷумҳурии Тоҷикистон дар ин самт омўхта шавад.
Дар навбати худ Сумангул Тағойзода оид ба омода намудани муҳоҷирони меҳнатӣ — шаҳрвандони Ҷумҳурии Тоҷикистон пеш аз сафар ба хориҷи кишвар ва ҳамкорӣ бо ҳамватанони бурунмарзӣ иттилоъ дода, гуфт, ки соҳаи муҳоҷирати меҳнатии Ҷумҳурии Тоҷикистон фаъолияти хешро дар асоси Қонуни Ҷумҳурии Тоҷикистон «Дар бораи муҳоҷират» ва дигар санадҳои меъёрию ҳуқуқии соҳавӣ ба роҳ мемонад. Азбаски аксарияти муҳоҷирони меҳнатӣ — шаҳрвандони Ҷумҳурии Тоҷикистон барои фаъолият ба Федератсияи Русия мераванд, Ҷумҳурии Тоҷикистон лозим шуморид, ки дар Федератсияи Русия Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистонро таъсис диҳад.
Бояд гуфт, ки Намояндагии вазорат дар Федератсияи Русия баҳри ҳимояи ҳуқуқ ва манфиатҳои муҳоҷирони меҳнатӣ — шаҳрвандони Ҷумҳурии Тоҷикистон мусоидат менамояд.
Бино ба иттилои сухангӯи Хадамоти муҳоҷират Абдуллоҳи Кодирӣ, тарафҳо масъалаҳои муҳими соҳаи муҳоҷирати меҳнатиро ҳаматарафа таҳлил намуда, пешниҳод намуданд, ки баҳри пешбурди соҳа ва омўхтани бозори меҳнати ҳар ду кишвар гурўҳи коршиносони муштарак таъсис дода шавад.
Мулоқот дар фазои ҳусни тафоҳум ва ҳамкориҳои мутақобилан судманд сурат гирифт.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
