Мулоқоти сафири Тоҷикистон бо раиси ПСС Бенилюкс

Душанбе, 31.03.2015. (АМИТ «Ховар»).- 27 март сафири Тоҷикистон дар  Белгия   Рустамҷон  Солиев дар шаҳри Брюссел бо раиси Палатаи  савдо  ва  саноати Белгия, Нидерланд ва Люксембург  (Бенилюкс) оид ба ҳамкорӣ  бо  кишварҳои ИДМ Мигел  Кардон  де Лихтбауэр ва  муовини  мавсуф Конрад Микелсон  мулоқот  анҷом  дод.
Ҷонибҳо   роҳҳои рӯи  кор  овардани  ҳамкории  дуҷониба ва  густариши  равобити  тиҷоратию  иқтисодии  байни  Тоҷикистон  ва  кишварҳои  Бенилюксро  мавриди  муҳокима  қарор  доданд.
Сафири  Тоҷикистон зимни  мулоқот аз  вазъи  сиёсӣ ва  иҷтимоию  иқтисодии  кишвар  ва тадбирҳои  Ҳукумати  Тоҷикистон барои  беҳдошти  вазъияти  сармоягузорӣ ва соҳибкорӣ,  ҳамчунин бахшҳои  афзалиятноки  иқтисодиёти  миллӣ, ки  диққати  сармоягузорон ва тоҷирони  хориҷиро  ба  худ  ҷалб  мекунанд,  иттило дод.