Мусобиқаи варзишӣ бахшида ба Наврӯз

Душанбе, 18.03.2015.(АМИТ  «Ховар», Лайло Тоирӣ).-Мусобиқаи  варзишии шоҳмот ва волейбол бо иштироки  кормандони дастгоҳи марказии Вазорати меҳнат, муҳоҷират ва шуғли аҳолии Ҷумҳурии Тоҷикистон ва сохторҳои низоми он 17 март оғоз гардида, то 20 март идома хоҳад ёфт.
Мусобиқаи мазкур дар Вазорати меҳнат, муҳоҷират ва шуғли аҳолии ҶТ ва МД  «Маркази таълими калонсолони Тоҷикистон» доир гардида, ҳангоми таҷлили Иди байналмилалии Наврӯз-2015 дар вазорат ҷамъбаст хоҳад шуд.
Бино ба иттилои вазорат дар ин рӯз  ғолибони ин мусобиқаи варзишӣ бо туҳфаҳои хотиравӣ  қадрдонӣ мегарданд. 
 Бояд зикр намуд, ки чорабинӣ дар асоси фармоиши вазири меҳнат, муҳоҷират ва шуғли аҳолии Ҷумҳурии Тоҷикистон бо мақсади омодагӣ  ва дар сатҳи баланди сиёсиву фарҳангӣ ташкил намудани Иди байналмилалии Наврӯз-2015 ташкил шудааст.