Мусодираи 47 кг маводи мухаддир

 
Душанбе, 17.03.2015. (АМИТ «Ховар», Муқаддас  Темурзода).- Чанд  рӯз  пеш як  чанд  нафар  сокинони  ҷумҳурӣ  бо  гумонбари  гардиши  ғайриқонунии  маводи  мухаддир дастгир  шуданд. Назар ба  иттилои ВКД ҶТ,  кормандони  шуъбаи корҳои  дохилии  шаҳри  Панҷакент ҳангоми  азназаргузаронии  истиқоматгоҳи  сокини 23 — солаи  маҳаллӣ Изатулло  Ғаффоров  31 килограмм  тарёкро  пайдо  намуданд. 
Кормандони  шӯъбаи  корҳои дохилии  вилояти  Суғд  дар  ҷараёни  амалиёти  дигари  махсус  дар  ҳудуди  шаҳри  Хуҷанд аз  сокини 31 — солаи  ноҳияи Рӯдакӣ Шералӣ  Ҷалолов  ва  сокини 48 — солаи   шаҳри  Хуҷанд Сироҷиддин  Шарифов  қариб  9  килограмм  ҳашишро  мусодира намуданд. Ҳамчунин  кормандони  шуъбаи   корҳои дохилии  ноҳияи  Исмоили  Сомонии пойтахт  аз сокини  43 — солаи  шаҳри  Душанбе Эмомалӣ  Худойназаров 4  килограмму  876  грамм  ҳашишро   мусодира  карданд.
Кормандони  Раёсати ҷустуҷӯи  ҷиноӣ  дар  ҳудуди  шаҳри  Душанбе  се  нафар  сокинони  ноҳияи  Шуғнон  — Мамадалибек  Мақулшоев,  Азаматшо Муносибшоев  ва  Аҳмад  Лутфишоевро  дастгир намуда,  аз онҳо 2 килограмму  297  грамм  ҳашишро  мусодира  намуданд. 
Вазни  умумии маводи  мухаддири  мусодирашуда 47  килограмму  14  граммро  ташкил  медиҳад.