Нахустин ҷаласаи иҷлосияи якуми МН МО ҶТ

 
Душанбе, 13.03.2015.(АМИТ «Ховар», Марзия Саидзода).-17 марти соли равон дар Душанбе  ҷаласаи нахустини иҷлосияи  якуми Маҷлиси намояндагони Маҷлиси Олии Ҷумҳурии Тоҷикистон, даъвати панҷум баргузор мегардад.
        Тавре ки аз палатаи поёнии Парлумони Тоҷикистон ба АМИТ «Ховар» иттилоъ доданд,  вакилони тозаинтихоби Маҷлиси намояндагон имкон доранд, ки рӯзҳои 13,14 ва 16 марти соли равон  дар шуъбаи ташкилии дастгоҳи Маҷлиси намояндагон аз соати 8:00 то 17:00 худро номнавис намоянд.
    Бояд тазаккур дод, ки  Маҷлиси намояндагон палатаи поёнии Парлумони Тоҷикистон маҳсуб ёфта, 63 вакил дорад ва онҳо ба муҳлати панҷ сол интихоб мешаванд.