Намоиши «Гирдбод» бахшида ба зодрӯзи С.Айнӣ

 
        Душанбе, 26.03.15. (АМИТ ”Ховар”, Манижа Баҳромзода)- Рӯзҳои 27-ум ва 30-юми  март инчунин 3-юм ва  4-уми  апрели соли равон соатҳои 15-00  бахшида ба зодрӯзи  Қаҳрамони Тоҷикистон-Устод Садриддин Айнӣ Театри давлатии ҷавонон ба номи Маҳмудҷон Воҳидов дар ҳамбастагӣ бо Донишгоҳи давлатии омӯзгории  Тоҷикистон ба номи Садриддин Айнӣ драмаи «Гирдбод»-и Нур Табаровро дар таҳияи Шавкат Халилов ва Нозим Меликов барои тамошои дастаҷамъонаи устодону донишҷӯён  намоиш медиҳад. Қарор аст пас аз анҷоми драма дар нимаи аввали моҳи апрел Конфронси илмӣ-назариявӣ дар мавзӯи «Симои Устод Садриддин Айнӣ дар саҳнаи тоҷик»  доир  гардад.