Низоми иттилоотии тандурустӣ рӯи кор омад
Душанбе, 18.03.2015. (АМИТ «Ховар»).- Чанде пеш дар ҷаласаи панҷуми Шӯрои танзимотӣ иттилоот дар бораи ҷараёни татбиқи лоиҳаи «Ёрии техникӣ барои дастгирии таҳкими низоми иттилоотии тандурустӣ дар Тоҷикистон», ки онро Иттиҳоди Аврупо маблағгузорӣ менамояд, ироа шуд.
Тавре ки дар намояндагии Иттиҳоди Аврупо дар ҶТ хабар доданд, лоиҳаи ҳаҷми маблағаш иборат аз 3 миллиону 400 ҳазор евро ба роҳандозии низоми электронии ҳисобот дар бахши тандурустӣ ва сабти санадҳои ҳолати шаҳрвандӣ (ССҲШ) дар сатҳи миллӣ мусоидат мекунад.
Вазифаи асосии лоиҳа иборат аз таҳкими низоми идораи тандурустӣ дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати адлияи Ҷумҳурии Тоҷикистон ва Раёсати сабти санадҳои ҳолати шаҳрвандӣ мебошад.
Аз 1 январи соли 2015 дар Хонаи ақди никоҳ ва чор шуъбаи сабти санадҳои ҳолати шаҳрвандии шаҳри Душанбе ва шуъбаҳои мазкури ноҳияҳои Рӯдакӣ, Шаҳринав ва Ҳисор санадҳои ҳолати шаҳрвандӣ тариқи навори видеоӣ сабт мешаванд.
Лоиҳаи мазкур то моҳи майи соли 2016 дар амал татбиқ мегардад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
