Нокомии паҳлавонони тоҷик дар Гран-прии дзюдо дар Туркия
Душанбе, 30.03.2015.(АМИТ”Ховар”, Рафоати Абдулҳамид).- Комроншоҳи Устопириён ва Хаёмиддин Ҷабборов, паҳлавонони тоҷик, дар мусобиқаи Гран-прии дзюдо дар Самсуни Туркия ноком шуданд.
Ба иттилои Кумитаи миллии олимпӣ паҳлавонони тоҷик дар мусобиқаи Гран-прии дзюдо, ки рӯзҳои 27-29- уми март дар шаҳри Самсуни Туркия баргузор шуд, шикаст хӯрданд. Хаёмиддин Ҷабборов дар рақобатҳо дар вазни то 60 кило рӯзи 28-уми март дар даври аввал аз Алон Раҳима (Эрон) мағлуб гашт. Дар ин вазн ҳамагӣ 46 гӯштингир ширкат дошт.
Комроншоҳи Устопириён рӯзи 29-уми март дар рақобатҳо дар вазни то 90 кило дар нахустин қувваозмоияш аз Милан Рандл (Словакия) шикаст хӯрд. Теъдоди гӯштингирон дар ин вазн 42 нафар буд.
Дар ин мусобиқаи байналмилалӣ 491 варзишгар (305мард ва 186 зан) аз 67 кишвари ҷаҳон ширкат кард. Мусобиқа миёни мардону занон дар 14 вазн (7 вазн байни мардон ва 7 вазн миёни занон) сурат гирифт.
Дар ҳисоби умумидастаӣ мунтахаби Ҳолланд бо касби 2 медали тилло, 1 нуқра ва 2 биринҷӣ ғолиб шуд. Тими мунтахаби Озарбойҷон(2-1-0) ҷойи дувум ва дастаи мунтахаби Ӯзбекистон (2-0-1) ҷойи севумро гирифт.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
