Пирӯзии паҳлавонони тоҷик аз «Ҷоми Дордой”

Душанбе, 20.03.2015. (АМИТ “Ховар”, Ситораи Боймурод).-Дар мусобиқаи байналмилалии дзюдо «Ҷоми Дордой”, ки дар пойтахти Қирғизистон — Бишкек баргузор шуд, паҳлавонони тоҷик се медали биринҷӣ ба даст оварданд. 
Тавре ки дар ин бора Кумитаи миллии олимпии кишвар хабар додааст, дар ин мусобиқаи байналмилалӣ, ки  бори дувум доир шуд, беш аз 300 варзишгар (марду зан) аз Қазоқистон Қирғизистон, Тоҷикистон ва Ӯзбекистон тӯли се рӯз барои 14 маҷмӯи медалҳо мубориза бурданд. 
Гуфта мешавад, ки Тоҷикистонро дар ин мусобиқа панҷ варзишгари ҷавон аз шаҳри Ваҳдат ва ноҳияи Спитамен намояндагӣ кард. Се нафари он — Азизи Муҳаммадризвон (66 кг), Хайрулло Расулов (73 кг) ва Суруш Каримов (81 кг) барои ҷойҳои севум бо медалҳои биринҷӣ мукофотонида шуданд.