Рашт: Тайёрӣ ба кишти баҳорӣ

Рашт, 14.03.2015. (АМИТ «Ховар», М. Ризвонов).- Имрўзҳо дар тамоми хоҷагиҳои кишоварзии ноҳияи Рашт, аз ҷумла дар хоҷагиҳои деҳқонию инфиродӣ таъмири техника барои кишту кори баҳорӣ бо суръати дучанд идома дорад. Мувофиқи маълумоти раёсати кишоварзии ноҳия дар ҳамаи ҷамоатҳо 302 трактор мавҷуд мебошад, ки 168 трактори он ба кишту кори баҳорӣ омода мебошад. Аз шумораи 168 трактор 18 ададаш трактори тасмачарх буда, 150 адади дигараш трактори  салладор мебошад. 
Зикр  кардан лозим аст, ки дар айни замон дар ноҳия  56 адад плуг,  11 адад картошкашинонак омодаи кор мебошад. Инчунин 5 адад комбайни ғалладарав дар ҳолати корист. 
Аз шумораи 302 трактори шудгоркунанда ҳамаи он ва 36 адад пурра ва хушсифат аз таъмир бароварда шуда, кишоварзон ният доранд боқимонда техникаҳои дар ихтиёрашон бударо то мавсими кишту кори баҳорӣ пурра омода намоянд,-иброз дошт раиси раёсати кишоварзии ноҳияи Рашт Абдураззоқ Саломов.