Шаҳрдори Душанбе аъзои Маҷлиси миллӣ интихоб гардид
Душанбе, 27.03.2015.(АМИТ «Ховар», Марзия Саидзода).-Дар интихоботи аъзои Маҷлиси миллӣ, Маҳмадсаид Убайдуллоев — раиси шаҳри Душанбе, ки аз ҷониби маҷлисҳои вакилони халқи шаҳри Душанбе ва ноҳияҳои он ҳамчун номзад пешниҳод гардида буд, ба узвияти Маҷлиси миллии Маҷлиси Олии Ҷумҳурии Тоҷикистон аз шаҳри Душанбе интихоб гардид. Ҳамзамон дар интихоботи аъзои Маҷлиси миллӣ, ки имрӯз дар панҷ ҳавзаи ҷумҳурӣ доир гардид, Худоёрзода Бахтиёр Тавар — роҳбари Дастгоҳи иҷроияи Президенти ҷумҳурӣ, аз ноҳияи Исмоили Сомонӣ, Маҳмаисуф Имомов — ректори Донишгоҳи миллии Тоҷикистон аз ноҳияи Шоҳмансур, Наргис Раҳмонова — котиби илмии Институти забон, адабиёт, шарқшиносӣ ва мероси хаттии ба номи Рӯдакии Академияи илмҳои ҷумҳурӣ аз ноҳияи Сино ва Нуралӣ Шоев — ректори Донишгоҳи технологии Тоҷикистон аз ноҳияи Фирдавсӣ аъзои Маҷлиси миллии Маҷлиси Олии Ҷумҳурии Тоҷикистон интихоб гардиданд.
Бояд тазаккур дод, ки дар ҳавзаи бисёрмандатаи интихоботии шаҳри Душанбе оид ба интихооботи аъзои Маҷлиси миллӣ аз 219 вакилони Маҷлиси вакилони халқи шаҳри Душанбе ва чор ноҳияи он 210 вакил ширкат варзида, аз тариқи раъйдиҳии пӯшида номзадии панҷ нафари дар боло зикршударо ба узвияти Маҷлиси миллӣ интихоб намуданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
