Тоҷикистон ҳаҷми воридоти сементро коҳиш дод

Душанбе, 27.03.2015. (АМИТ «Ховар», Кристина  Эрлих).-  Тоҷикистон  аз  оғози  соли  ҷорӣ  ҳаҷми  воридоти  сементро  беш  аз 2,5  баробар  кам  кард.  Масалан,  тайи  ду  моҳи  аввали  соли  равон  вуруди семент  нисбат ба ҳамин  давраи  соли гузашта  баробари  қариб  37 ҳазор тонна ё  баробари 2,9  миллион  доллар  коҳиш  ёфт. 
Моҳҳои  январ  ва  феврали  соли  ҷорӣ  содироти  семент  22,3  ҳазор  тонна  ба  маблағи 2  миллиону 900  ҳазор  долларро  ташкил дод. Ин  нишондиҳанда  дар  ҳамин давраи  соли  гузашта  баробари  59,2  ҳазор тонна ба  маблағи  5  миллиону 800  ҳазор  доллар   буд. 
Мувофиқи  маълумоти  Вазорати  саноат ва технологияҳои нави  кишвар,  тайи  ду  моҳи аввали  соли равон қариб 145  ҳазор тонна  семент  истеҳсол шуд, ки  нисбат ба  ҳамин  давраи  соли  2014  баробари 59,4  ҳазор тонна  ё 69,5  фоиз  зиёд аст.
Ёдовар  мешавем, ки  соли  2014  дар кишвар  беш  аз  1,1  миллион   тонна  семент  тавлид  шуда буд.