Тоҷикистону Ветнам -дар арзҳои дӯстӣ
Душанбе, 13.03.2015.(АМИТ «Ховар», Марзия Саидзода).- Раиси Раёсати Ҷамъияти дӯстӣ ва равобити фарҳангии Тоҷикистон бо кишварҳои хориҷӣ /ҶДРФТ/ Сайдулло Хайруллоев бо Сафири нави Фавқулода ва Мухтори Ҷумҳурии Сотсиалистии Ветнам дар Ҷумҳурии Тоҷикистон Фам Ван Фао мулоқот намуда, масоили ҳамкориҳои фарҳангии ду кишвар дар доираи ҶДРФТ, тақвияти дӯстӣ, ташкил намудани чорабиниҳои фарҳангии муштарак дар Тоҷикистону Ветнамро баррасӣ намуданд.
С. Хайруллоев таъсиси Ҷамъияти дӯстии «Тоҷикистон — Ветнам» дар соли гузаштаро аз иқдомҳои муассир дар рушди равобити Тоҷикистону Ветнам арзёбӣ намуда, таъкид кард, ки таъсиси ин ниҳоди фарҳангӣ метавонад барои густариши ҳамкориҳо ва тақвияти дӯстӣ миёни мардумони ду кишвар мусоидат намояд. Муаррифии фарҳанг, расму оини қадимаву имрӯзаи тоҷик ба мардуми Ветнам ва миллати ветнамӣ ба мардуми тоҷик ва ташкили намоиши китобҳои тозанашр аз фаъолиятҳои асосии Ҷамъияти дӯстии «Тоҷикистон — Ветнам» маҳсуб меёбад.
С. Хайруллоев ба дипломати ветнамӣ дар бораи фаъолияти ҶДРФТ ва ниҳодҳои он маълумот дода, гуфт, ки дар назди ҷамъияти мо 22 анҷумани дӯстӣ фаъолият мекунад ва саҳми онҳо ба густариши муносиботи фарҳангӣ ва таҳкими дӯстӣ байни мардумони кишварҳоямон мусоидат менамояд.
Дипломати ветнамӣ -Фам Ван Фао аз тасмими роҳбарияти кишвараш ҷиҳати таъйини ӯ ба ҳайси сафир дар Ҷумҳурии Тоҷикистон изҳори хушнудӣ намуда, гуфт, ки ба ҳайси Сафири Фавқулода ва Мухтори Ветнам дар Ҷумҳурии Тоҷикистон тамоми дониш ва cаъю талоши худро барои рушди равобити гуногунсоҳа бо Ҷумҳурии Тоҷикистон истифода хоҳад кард.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
