У. Кумар: «БОР ба Тоҷикистон кумаки техникӣ пешниҳод менамояд»
Душанбе, 18.03.2015. (АМИТ «Ховар», Мавҷуда Анварӣ).- Директори иҷроияи Шӯрои директорони Бонки осиёии рушд (БОР) Умеш Кумар дар ҳузури хабарнигорон иброз намуд, ки дар мулоқот бо Президенти кишвар дурнамои умедбахши ҳамкории бонк бо Тоҷикистонро мавриди муҳокима қарор доданд.
Умеш Кумар зикр намуд, ки Президенти Тоҷикистон он кумакҳоеро, ки аз ҷониби БОР пешниҳод мешаванд, дар сатҳи баланд арзёбӣ намуда, таъкид кард, ки ҳамкориҳо бояд густариш ёбанд.
«Мо, албатта, ҳамкориҳои худро бо Ҳукумати Ҷумҳурии Тоҷикистон давом медиҳем, то ин ки кишвар аз ҳамкориҳои мазкур боз ҳам баҳраи бештар гирад.
БОР дастгирии худро бахусус дар соҳаҳои энергетика, рушди роҳҳои оҳан ва роҳҳои мошингард бештар менамояд. Мо хусусан соҳаи сохтори хусусӣ ва сохтори хусусии истеҳсолиро бисёртар дастгирӣ хоҳем кард. Дар рӯзҳои наздик инчунин «Стратегияи нави ҳамкории БОР бо Ҷумҳурии Тоҷикистон» пурра таҳия мешавад ва ин стратегияи ҳамкорӣ мувофиқи назари ҷонибҳо мебошад».
Ин бонки бонуфуз ҷиҳати амалисозии лоиҳа оид ба таҷдиди Неругоҳи барқи обии «Норак» дастгирии худро пешниҳод менамояд ва ният дорад, ки лоиҳаҳои минтақавиро оид ба рушди энергетика ва соҳаи нақлиёт амалӣ созад.
Яке аз лоиҳаҳои асосие, ки БОР амалӣ хоҳад намуд, ин лоиҳаи интиқоли неруи барқ бо иқтидори 500 кВт , ки аз аз Неругоҳи барқи обии Норак кашида мешавад, мебошад.
Тибқи иттилои Умеш Кумар Бонки осиёгии рушд имсол барои амалисозии лоиҳаи минтақавии роҳи оҳан кумаки техникӣ пешниҳод менамояд.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
