ВКД ҶТ: мубориза бар зидди ҷиноятҳои коррупсионӣ

Душанбе, 16. 03. 2015. (АМИТ «Ховар»,  Муқаддас Темурзода).- Ҷаласаи ғайринавбатии мушовараи Вазорати корҳои дохилӣ оид ба ҷамъбасти натиҷаҳои фаъолияти фаврӣ-хизматии мақомоти корҳои дохилӣ дар самтҳои вазъи интизоми хизматӣ, риояи қонуният ва мубориза бар зидди ҷиноятҳои коррупсионӣ ва дорои хусусияти коррупсионӣ дар давоми соли 2014 ва 2 моҳи соли 2015 ҳафтаи сипаригардида дар Вазорати корҳои дохилӣ баргузор гардид.
ВКД ҶТ хабар медиҳад, ки зимни ҷаласа вазири корҳои дохилӣ Раҳимзода Рамазон Ҳамро, аъзои мушовара, сардорони сарситод, сарраёсат, сармарказ, раёсатҳо, шӯъбаҳо ва ҷузъу томҳои мақомоти корҳои дохилӣ иштирок намуданд.
Вазири корҳои дохилӣ Р. Раҳимзода доир ба пурзӯр намудани мубориза бар зидди ҷиноятҳои коррупсионӣ ва хусусияти коррупсионӣ дошта, тамаъҷӯӣ, порагирӣ, қалбакӣ сохтани ҳуҷҷатҳо, ҷиноятҳои зеҳнӣ, иттилоотӣ, муомилоти ғайриқонунии сангҳо ва металлҳои қимматбаҳо, хариду фурӯши ғайриқонунии замин таваҷҷуҳи хосса зоҳир карда, аз масъулин қатъӣ талаб намуд, ки корро дар самтҳои номбурда ҷоннок намоянд.
Ҳамчунин зикр гардид, ки масъалаи риояи интизоми хизматӣ ва роҳ надодан ба қонуншиканӣ аз омилҳои пешрафти фаъолияти хизматӣ ба ҳисоб рафта, дар ин самт корҳои пешгирикунанда пурзӯр карда шаванд.