Ғофил манишин …

Душанбе, 7.04.2015.(АМИТ «Ховар», Марзия Саидзода).-Беш аз 80  нафар касбомӯз, ки аз оилаҳои ниёзманданд,  нуҳӯмин давраи омӯзиши ихтисосҳои дӯзандагӣ, компютерӣ ва муҳосиботро дар Филиали Маркази таълимии калонсолон дар ноҳияи Шоҳмансури Душанбе хатм карда, соҳиби шаходатнома гардиданд.
       Дар маросими супоридани шаҳодатнома ба хатмкунандагони курсҳои омӯзишӣ раиси Кумитаи имдоди имом Хумайнии Эрон дар Тоҷикистон Саидмаҳдӣ Ибодӣ ва раиси Агентии меҳнат ва шуғли аҳолӣ дар ноҳияи Шоҳмансури пойтахт Асомиддин Насриддинов ширкат намуда, ба хатмкунандагони давраи омӯзишӣ дар ҷодаи касбомӯзӣ комёбӣ таманно намуданд.
         Бояд тазаккур дод, ки Маркази таълимии мазкур моҳи июни соли 2013 дар ҳамкорӣ бо Кумитаи имдоди имом Хумайнӣ созмон дода шуда, то ин вақт беш аз 800 нафар касбомӯз аз рӯи ихтисосҳои дӯзандагӣ, компютерӣ ва муҳосибот ин марказро хатм намудааст.