Ҳалокати шаҳрвандон дар садамаи нақлиётӣ

Душанбе, 13.04.2015. (АМИТ «Ховар», Муқаддас Темурзода).-Дирӯз ронандаи 19-солаи мошини тамғаи Chevrolet Optra , сокини шаҳри Сарбанд, ҳангоми ҳаракат аз самти шаҳри Сарбанд ба самти шаҳри Қурғонтеппа, дар ҳудуди ноҳияи Бохтар, аз уҳдаи идораи мошин набаромада, марди велосипедрони 46-солаи сокини ноҳияи Бохтарро пахш намудааст. Тибқи иттилои ВКД ҶТ, велосипедрон ҷароҳатҳои вазнини ҷисмонӣ бардошта, дар беморхона ба ҳалокат расидааст.Инчунин дар ин рӯз, ронандаи 23-солаи мошини тамғаи Toyota Runner, сокини ноҳияи Рӯдакӣ, ҳангоми ҳаракат аз самти шаҳри Душанбе ба самти ноҳияи Тавилдара дар ҳудуди деҳаи Шоҳи ноҳияи Нуробод аз уҳдаи идораи мошин набаромада, ба чуқурии 49 метр чапа шудааст. Дар натиҷа мусофирони мошини мазкур: як зани 56-сола ва як духтари 16-солаи сокинони ноҳияи Рӯдакӣ ҷароҳатҳои вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидаанд. Худи ронанда ва се мусофир- сокинони ноҳияи Тавилдара ҷароҳатҳои гуногуни ҷисмонӣ бардошта, дар беморхона бистарӣ шуданд.