Ҷамъбасти натоиҷи рушди иҷтимоию иқтисодии кишвар

Душанбе, 28.04.2015. (АМИТ «Ховар», Кристина  Эрлих).-  27  апрел  дар  шаҳри  Душанбе  ҷаласаи  раёсат  дар  бораи натоиҷи    рушди  иҷтимоию  иқтисодии Ҷумҳурии  Тоҷикистон  ва  фаъолияти Вазорати  рушди  иқтисод  ва  савдои  ҶТ  тайи  семоҳаи  якуми  соли  2015  баргузор  гардид. 
Ҷаласаро  вазири  рушди  иқтисод  ва  савдои  ҶТ Неъматулло Ҳикматуллозода  ифтитоҳ  намуда,  муовини   аввали  вазир  Саидраҳмон  Назриев  аз  натиҷаи   рушди  иҷтимоию  иқтсодии  кишвар  ва  фаъолияти  вазорат тайи  семоҳаи  якуми  соли 2015  гузориш  дод. 
Назар  ба  иттилои  Вазорати рушди  иқтисод  ва  савдои  ҶТ,  роҳбарони   сохторҳои  зертобеи  вазорат, роҳбарони  минтақаҳои   озоди  иқтисодии  «Суғд» Ф.Олимов, «Панҷ» Х.Маҳмадаминов, «Ишкошим» Бекмуроди  Айдибек ва  муовини   роҳбари Минтақаи  озоди  иқтисодии  «Данғара  С.Тайфуров  аз  фаъолияти  муассисаҳои  зикршуда ҳисобот  доданд.